പാലട പ്രഥമന്‍ - Paalada Pradhaman

പാലട പ്രഥമന്‍
വേണ്ട സാധനങ്ങള്‍

1.അരിപ്പൊടി 200 ഗ്രാം
2.പാല്‍ 3 ലിറ്റര്‍
3.പഞ്ചസാര ¾ ഗ്ലാസ് (ആവശ്യത്തിന്)
4.നെയ്യ് 4 ടീസ്പൂണ്‍
5.വാഴയില ആവശ്യത്തിന്
6.ഏലക്കാ പൊടി ഒരു നുള്ള്

തയ്യാറാക്കുന്ന വിധം

അരിപ്പൊടി ഒരു പാത്രത്തില്‍ എടുത്ത് 100 മില്ലി പാലും ചെറുചൂടുവെള്ളവും കൂട്ടി അടയ്ക്കുള്ള പരുവത്തില്‍ കുഴയ്ക്കുക. വാഴയില ചെറുതായി കീറി അതില്‍ ഈ മിശ്രിതം പരത്തി ആവിയില്‍ വേവിച്ചെടുക്കുക. അധികം വേവരുത്. പാത്രത്തില്‍ നിന്നുമെടുത്ത് തണുത്തതിനുശേഷം ഒരു പരന്ന വൃത്തിയുള്ള പലകപ്പുറത്ത് ഓരോ അടയും വെച്ച് ചെറുതായി കൊത്തിയരിയുക. (ഡൈമണ്ട് ആകൃതിയീല്‍)

ചുവടുകട്ടിയുള്ള പാത്രം (ചെറിയ ഉരുളിയുമാവാം) എടുത്ത് അടുപ്പില്‍ വെച്ച് 3 ടീസ്പൂണ്‍ നെയ്യ് ഒഴിച്ച് ചൂടാക്കുക. ചൂടായ പാത്രത്തിലേക്ക് അടയിട്ടിളക്കുക. തീ കൂട്ടി അട പകുതി മൊരിഞ്ഞ പാകത്തില്‍ ഇറക്കുക.

മറ്റൊരു പാത്രത്തില്‍ 21/2 ലിറ്റര്‍ പാലെടുത്ത് തിളപ്പിക്കുക. തിളച്ചുകഴിഞ്ഞാല്‍ തീകുറച്ച് മെല്ലെ ഇളക്കിക്കൊണ്ടിരിക്കുക. പഞ്ചസാര ചേര്‍ത്ത് അഞ്ചുമിനിട്ട് കൂടി ഇടത്തരം തീയില്‍ ഇളക്കുക. പിന്നീട് അട ചേര്‍ത്ത് 10 മിനിട്ടു ഇളക്കുക.അട പൊടിയാതെ ഇളക്കണം. കുറുകി വരുമ്പോള്‍ ബാക്കി പാലും ചേര്‍ത്ത് ഇളക്കുക. തീയില്‍ നിന്നിറക്കി ഏലക്കാപൊടിയും ബാക്കി നെയ്യും ചേര്‍ത്തിളക്കി വിളമ്പാം.

ഇതില്‍ പഞ്ചസാരയുടെ അളവ് അവനവന്റെ കപ്പാസിറ്റിയനുസരിച്ച് കൂട്ടുകയോ കുറയ്ക്കുകയോ ചെയ്യാം.